28 қараша күні «Қазақстан халқына» қоғамдық қорының делегациясы техникалық шығармашылық мектебі - «Балалар технопаркіне» барып, Қарағанды облысының қосымша білім беру ұйымдарында STEM-білім беруді енгізу жобасының іске асырылу барысымен танысты.
Делегация құрамына:
- Шинкісбаева Лаззат Алтынбекқызы - «Қазақстан халқына» қоғамдық қорының басқарма төрайымы;
- Бейсеева Гаухар Халилқызы - Қамқоршылық кеңесі төрағасының орынбасары, дипломатиялық қызметтің еңбек сіңірген қайраткері;
- Абенов Мұрат Абдуламитович - Қазақстан Республикасы Парламенті Мәжілісінің депутаты, Қамқоршылық кеңесінің мүшесі кірді.
Сапар барысында қонақтар технопарктің білім беру бағдарламаларымен, зертханалық жабдықтарымен, сондай-ақ оқушылардың инновациялық жобаларымен танысты. Ерекше назар STEM-оқыту әдістерін енгізу үдерісіне және балалардың инженерлік, цифрлық және зерттеушілік дағдыларын дамытуға бағытталған жұмысқа аударылды.
