Қарағанды қаласындағы Шығармашылық техникалық мектебінде маусым айында «Көңілді каникулдар» атты қызықты шеберлік сыныптары өтті.
Балаларды педагогтар: Винокурова О.В., Крюкова Е.В., Колова Н.В., Луконина Т.И., Шепеленко С.В., Авдеенко М.В., Хамиева К.К. қарсы алды.
Шеберлік сыныптары барысында оқушылар AI Car зертханасы мен 3D модельдеу зертханасында техникалық бағыттармен танысты, «Ажур» шеберханасында тоқу өнерін меңгеріп, «Компот» аспаздық студиясында бәліш пен пицца пісірді, «Жасыл мектепте» интерьерлік бұйымдар жасады, «Қағаздың сиқырлы әлемі» шеберханасында түрлі қолөнер бұйымдарын дайындады, сондай-ақ әртүрлі мамандықтармен таныстыруға бағытталған кәсіптік бағдар беру ойындары мен тапсырмаларға қатысты.
Мұндай іс-шаралар балалардың ғылымға, техникаға және шығармашылыққа деген қызығушылығын дамытып, олардың ой-өрісін кеңейтіп, мамандықтар әлемінде дұрыс бағыт табуға көмектеседі және жазғы демалысты мазмұнды, танымдық әрі пайдалы етеді.
